الدين
دفتر الدين تقاعد.
أبو أحمد عليه 500 ₪ من 12 آذار. مكتوبة باسمه وجواله، مش بدفتر بيضيع. بتشوف مين عليه، وقديش، ومن إمتى، وبتذكّره برصيده على واتساب بضغطة.
له وعليه، بالقسط.
نظام كاشير للكفيهات والمطاعم بغزة
محلّك كله على جوالك.
الطلبات، الكاش والمحافظ، ودفتر الدين والموردين: كلهم بمكان واحد. وكل دفعة بتنختم «وصل».
بدون بطاقة · بدون نسبة من مبيعاتك · بياناتك إلك
سند قبضطاولة 4 · أبو أحمد
- قهوة تركية × 210.00 ₪
- ليمون نعنع × 18.00 ₪
- أرجيلة تفاحتين × 115.00 ₪
المجموع33.00 ₪
طريقة الدفعJawwal Pay
بواسطة حُسبان · كل شي بالحُسبان
شو بيمسكلك حُسبان
الصندوق
الكاش بصندوقه، وكل محفظة لحالها.
Jawwal Pay و PalPay وبنك فلسطين والكاش: كل وحدة صندوق. كل دفعة بتنختم «وصل» بصندوقها، كاش أو تحويل. وآخر الشفت بتعدّ كل صندوق، وبيبان الفرق.
الطلبات
ولا طلب بيدخل من غير ختم.
الزبون بيمسح الـ QR على الطاولة وبيطلب من جواله. الطلب بيوصل جوال الكاشير، وما بيمشي إلا لما حدا منكم يأكّده. والي صوّر الملصق من برّا ما بيقدر يطلب عليك.
الموردين والمخزون
مين إله عندك، وشو ضايل عالرف.
فاتورة الشراء بتزيد المخزون وبتنكتب على حساب المورد. دفعتله؟ بتنزل من رصيده ومن الصندوق الي دفعت منه. والجرد بيقلّك وين النقص.
النت
النت قطع؟ كمّل شغلك.
الطلب محفوظ على الجوال وبيتبعت لحاله لما يرجع النت. وحُسبان بيتثبّت على شاشة الجوال زي أي تطبيق، من المتصفح وبدون متجر.
صلاحيات بختم المدير · مصاريف من أي صندوق · تكلفة الصنف وربحه · تقارير و Excel · خريطة الطاولات · ملصقات QR للطباعة
بتبدأ بثلاث خطوات
- 1
سجّل
اسمك، اسم المحل، جوالك، وكلمة سر. دقيقة وحدة، وبدون بطاقة.
- 2
جهّز المنيو
ضيف أصنافك وأسعارك، أو ارفعهم بملف CSV. أول صنف وأول طريقة دفع، وبتقدر تبيع.
- 3
اطبع الـ QR
ملصق لكل طاولة، جاهز للطباعة. الزبون بيمسح وبيطلب، وإنت بتختم.
الموظفين بيدخلوا من جوالاتهم برقم سري (PIN) من 4 أرقام. ما بدك تشتري ولا جهاز.
الدفتر الي ورا الكاونتر
كل كفيه ومطعم بغزة عنده دفتر: فلان عليه، وفلان دفع نص، وصفحة انقطعت. حُسبان هو نفس الدفتر، بس ما بيضيع، وما بينسى، وبيجمع لحاله.
سعر ثابت بالشهر. ولا نسبة.
الأساسية
99 ₪ بالشهرفرع واحد، 5 أجهزة، 15 موظفالموسّعة
199 ₪ بالشهر15 جهاز، 40 موظفكل الميزات بالباقتين. الفرق بالحجم بس.
قارن الباقتينأسئلة بتنسأل
لازم أشتري أجهزة؟
لا. حُسبان بيشتغل على الجوالات الي معكم، وعلى أي تابلت أو لابتوب. بتفتحه من المتصفح وبتثبّته على الشاشة زي أي تطبيق.
شو بيصير لو قطع النت؟
الطلب الي سجّلته بيضل محفوظ على الجوال، وبيتبعت لحاله لما يرجع النت. وبتشوف سطر واضح إنه النت مقطوع.
الزبون بيدفع من حُسبان؟
لا. الزبون بيدفعلك إنت، كاش أو تحويل على محفظتك، وحُسبان بيسجّل الدفعة وبيختمها. فلوسك ما بتمرّ علينا، وما إلنا نسبة فيها.
موظفيني مش شاطرين بالجوالات.
الكاشير بيدخل برقم سري من 4 أرقام، وتأكيد الطلب ضغطة وحدة. وإنت بتحدد مين بيقدر يعمل شو، والخصم الكبير بده ختمك.
عندي دفتر دين قديم. بدخّله؟
آه. بتدخّل كل زبون برصيده من أول يوم، حتى لو ناقصك رقم جواله، وبتكمّله بعدين.
بياناتي إلمين؟
إلك. بتنزّلها Excel كاملة بأي وقت، حتى لو وقّفت اشتراكك. وما بنحذف شي بدون طلبك.
وبعد الـ 14 يوم؟
بتختار باقتك، بتحوّل الاشتراك على محفظة حُسبان، وبترفع صورة الإيصال. التفاصيل بصفحة الأسعار.
كل شي بالحُسبان.
جرّبه بمحلّك 14 يوم. عجبك، كمّل. ما عجبك، خذ بياناتك وروّح.